Зертханалық-диагностикалық бөлімшесі

Зертханада зертханалық диагностика саласының жоғары және бірінші біліктілікті санатты, жоғары деңгейлі мамандары қызмет етеді.
Мамандардың озық тәжірибелері, кәсіпқойлылығы және бөлімшенің қазіргі заман талабына сай жарақталған құрал-жабдықтары — зерттеу дәлділігінің, сенімділігінің кепілі.

Зертхана диагностикалық кеңес беру бөлімшесінің құрылымдық бөлімшесі болып табылады. Зертханалық зерттеулер диагнозды дұрыс белгілеу мен оған байланысты нақты емдеу жүргізу үшін бірден-бір маңызды шаралар. Қазіргі уақыттағы диагностика адам ағзасындағы өзгерістерді анықтауға және оларды шеттету үшін қажетті шаралар жасауға мүмкіндік беретін зертханалық зерттеулерсіз мүмкін болмайды.

Біздің емхананың зертханасы алдыңғы қатарлы технологияларды пайдалана отырып, диагностика, профилактика және ауруларды мониторингтеу саласында көптеген талдаулардың кеңейтілген түрлерін орындайды. Бөлімше зертханалық техника саласындағы алдыңғы қатарлы өндірушілердің қазіргі кездегі құрал-жабдықтарымен жабдықталған, олар: қанның 18 параметрін анықтауға қабылеті бар SISMEX 21 KX гематологиялық анализаторы, несепті автоматтық түрде талдаушы құрылғы, АҚШ-та өндірілген TS 4000 коагулометрі, BIO-RAD фирмасының ИФА диагностикалық кешені.

Қанның және несептің жалпы талдауын жоғары санатты зертханашы Куспич В.А. және зертханашы Станова Г.К. автоматтық талдауыштарда орындайды.

Аталған аппараттардың ерекшелігі — алынатын нәтижелердің дәл, әрі сенімді болуында.

Зертханада ішкі зертханалық және сапалықты сыртқы бақылау жүйесі пайдаланылады. Зертхана сапалықты сыртқы бақылау мәселесі бойынша екі жыл ағымында RANDOX компаниясының (Ұлыбританияның біріккен корольдігі) сапалықты сыртқы бақылаудың халықаралық программасымен бірге қызмет етеді.

Зертхананың жұмыс кестесі (Ипподром көшесі, 8 мекен-жайы бойынша бірінші қабатта, №111,112 кабинетерде)
Күн сайын 8.00-ден 17.00-ге дейін
Сенбі күні 9.00-ден 14.00-ге дейін
Жексенбі — демалыс
Емхана дәрігерлерінің жолдамалары бойынша жасалатын биоматериалдар жұмыс күндері сағ. 08.00-ден 11.00-ге дейін қабылданады (қан №112 каб., несеп, нәжіс, қақырық №112 каб.).
10.00 -12.00-ге дейін саңырауқұлақ флорасының биоматериалын зерттеу (112 каб.)
10.00 -16.00-ға дейін медициналық тексеруден өтуге микрореакцияны және қан тобын тексеруге қан алу (112 каб.)
Зертхананың филиалы (Ержанов көшесі, 4 мекен-жайы, №9, 5 кабинеттер)
Күн сайын 08 – 16.30-ға дейін
Сенбі, жексенбі күндері – демалыс

Емхана дәрігерлерінің жолдамалары бойынша жасалатын биоматериалдар жұмыс күндері сағ. 08.00-ден 11.00-ге дейін қабылданады (қан №9 каб., несеп, нәжіс, қақырық №5 кабинетте)

Пациенттердің ағымын реттеу және уақытты создырмау мақсатында тамырдан қан алуға берілген жолдама қолда болған уақытта пациент жалпы қанға, микрореакцияға, қан тобына, қан пен холестеринге бірден тексерілу үшін №514 кабинеттен өтуіне болады.

Бір жасқа дейінгі балалар мен мүгедек жандарға кезектен тыс қызмет көрсетіледі. Зерттеуді орындау мерзімі биоматериалды зертханаға әкелген күннен бастап 1 жұмыс күні ағымында, ал иммуноферменттік зерттеулер биоматериалдардың жиналуына байланысты 7 жұмыс күні ішінде орындалады.

Зерттеу қорытындылары зерттеуге бағыттаған дәрігерге беріледі, қорытындыны пациенттің қолына беруіне рұқсат етілмейді.

Зертханада 6 бөлім бойынша шамамен 60 түрлі зерттеулер жасалады, оның ішінде басты зерттеу түрлері:

Гематологиялық:

жалпы қанның талдауын 10 және 18 параметрлері бойынша гематологиялық талдауышта анықтау;
СОЭ анықтау;
лейкоцитарлық формуланы есептеу, тромбоциттер мен ретикулоциттердің саны.

Биохимиялық:

портативтік талдауышта қандағы қанттың құрамын анықтау;
портативтік талдауышта жалпы холестериннің құрамын анықтау.

Жалпы клиникалық зерттеулер:

автоматтық талдауышта несептің жалпы талдауы жасау;
Нечипоренко және Земницкий әдісімен несепті талдау;
нәжісті ішекқұрт жұмыртқаларын, жасырын қанды тексеру;
қақырықтың жалпы талдауы.

Коагулогиялық зерттеулер:

қанның ұю жүйесіне әсер ететін скринингтік тестілер (ПТИ,МНО, АЧТВ, Фибриноген, РФМК).

Иммунологиялық зерттеулер:

қан тобы мен резус — факторды анықтау;
микропреципитацияның сифилиске реакциясы;

Иммундық-ферменттік талдаулар:

G и М класының, В және С гепатиті вирусының иммуноглобулиндерін анықтау;
Toxso G и М класының иммуноглобулиндерін анықтау.

Цитологиялық зерттеулер:

әйел сүртінділерін онкоцитологияға тексеру;
эндоскопиялық материалды цитологиялық зерттеу;
Хеликобактерға гастроскопиялау кезінде алынған сүртінділерді цитологиялық зерттеу.

Зертхана жүрек-қан тамырлары жүйелерінің, қант диабеті мен колоректалдық оба, жатыр мойнағының обасы аурулары бойынша тұрғындарды скринингтік тексеру бағдарламаларына қатысады.

Зертханашы дәрігердің кеңестері
Алынатын қорытындылардың сенімді, әрі нақты болуы үшін жиналған биологиялық материалдардың сапалы болуы және талдауларды тапсыру алдында дұрыс дайындық жасау бірден-бір маңызды болып табылады.

Зертханалық зерттеуге берілетін биоматериалды жинау және оған дайындық жасау жөнінде ақпаратты зерттеуге жолдама берген дәрігерден немесе медбикеден алуыңызға болады.

Қан тапсыру алдында сақталатын жалпы ережелер:

биоматериал таңертеңгі уақытта, аш қарында тапсырылады, жалпы талдауға қан тапсырар алдында майлы тамақсыз, жеңіл-желпі тамақтану керек;
зерттеуге келерден үш күн бұрын денеге салмақ түсіретін жұмыстан аулақ болу керек және алкоголь сусындарын ішпеу керек (кем дегенде 24 сағат), кешкі уақытта жеңіл тағамданған дұрыс, ал майлы, ащы тағамдарды ішуге болмайды;
қан тапсырар алдында 15 минуттай тынығу керек, сондай-ақ психологиялық көңіл-күйден және денеге салмақ түсіруден аулақ болу керек;
қан тапсырар алдында физиотерапевтік емшаралардан, массаж, УДЗ және басқа да диагностикалық зерттеулерден өтуге болмайды;
қандағы глюкозаның деңгейін анықтау сағ. 10.00-ге дейін, міндетті түрде аш қарында тапсырылады;
қайтадан тексеруден өту кезінде қан алу уақыты мен дәрі-дәрмек қабылдау т.б. жағдайлар бір уақытта болуы керек.

Кешкі астан кейін тамақ ішуге болмайды және күнделікті өзіңіз ұйықтайтын мезгілде ұйқыға жатып, таңертең қан тапсыратын уақыттан кем дегенде бір сағат бұрын тұру керек;
Қан тапсырар уақыттан бір сағат бұрын темекі де тартуға болмайды;

Несеп тапсыру алдында сақталатын жалпы ережелер:

талдау тапсырар алдында несептің түр-түсінің өзгеруіне әсер ететін жемістер мен көкөністер (қызылша, сәбіз т.б.) қабылдауға болмайды;
несепті жинар алдында сыртқы жыныс органдарын мұқият жуу керек;
әйел адамдарға менструация уақытында несеп тапсыруға болмайды;
несептің жалпы талдауына таңертеңгі несепті тапсыру керек және талдау үлгісін көлемі 50-100 мл герметикалық қақпағы бар, таза, әрі құрғақ ыдысқа жинау керек;
несеп үлгісі зертханаға 2 сағаттың ішінде әкелініп, тапсырылуы қажет.

Тапсырылған нәжістің қорытындысы нақты болуы үшін биоматериалдың дұрыс жиналуына жіті көңіл бөлу керек:

нәжісті таңертеңгі уақытта, өз бетімен дефикациялық акті жасағаннан кейін жинау керек;
нәжісті талдауға тапсырар күннің қарсаңында іш жүргізетін, сондай-ақ нәжістің түр-түсін өзгертіп жіберетін дәрі-дәрмектерді қабылдамау керек (белсендендірілген көмір, барий дәрілерін және құрамында темір сақталған дәрі-дәрмектерді т.б.);
биоматериалды таза шпательмен (ағаштан немесе шыныдан жасалған таяқша) нәжіс құрамының сілемейлі, іріңі бар жерлерінен шұқып-шұқып алып, содан кейін талдау үлгісін герметикалық қақпағы бар, таза, әрі құрғақ ыдысқа сыйыстыру керек немесе нәжіс талдауына арналған, ішінде шпателі бар арнайы контейнерді қала дәріханаларынан сатып алуға болады, ал картоннан, қағаздан жасалған қорапқа, сіріңкенің қорабына салуға рұқсат етілмейді. Нәжістің жалпы көлемі 10-15 гр болса жеткілікті (грек жаңғағының көлеміндей);
нәжістің талдауға берілетін үлгісіне несептің және менструалдық қанның бөлшегін түсіп кетуіне жол бермеу керек;
нәжісті зертханада жинаған күні алып келген жөн, биоматериалдың сақталуы 2-8 градуста, 10-12 сағаттан аспауы керек.
нәжіс талдауының қарапайым үлгілерін тапсырар уақытта биоматериал дереу дефикациялық актіден кейін, жылы күйінде зертханаға жеткізілуі керек.

Биоматериалды зертханаға жеткізу үшін дәріханаларда сатылатын, зауытта дайындалған, арнайы контейнерлерді пайдаланған дұрыс.

Сіз биоматериалдарды зерттеуге жинау мен тапсыруға байланысты қосымша ақпараттарды зертхана мамандарынан немесе 41-70-64 телефоны бойынша білуге болады.