Профилактика және әлеуметтік-психологиялық көмек көрсету бөлімшесі

Бектемирова Райса ЖастаубаевнаПрофилактика және әлеуметтік-психологиялық көмек көрсету бөлімшесінің меңгерушісі

Бөлімшенің мамандары бекітілген тұрғындарға, амбулаторлық деңгейде, үй жағдайында  арнайы әлеуметтік және психологиялық көмек көрсетеді және төмендегідей бағыттағы жұмыстарды атқарады:

• профилактикалық және скринингтік программаларды жүзеге асыру;
• салауатты өмір салтын сақтау қызметімен сабақтасып қызмет ету;
• Қауіпті фактордағы аурулар мен науқастарды аурудың алдын алу және салауатты өмір салтын сақтау әдістеріне оқыту;
• Профильдері бойынша денсаулық мектептері мен жастардың денсаулығы орталығының қызметтерін ұйымдастыру;
• созылмалы түрдегі аурулары бар тұлғаларға тұрақты түрде патронаж жүргізу;
• статистикалық есеп пен есептілікті және статистикалық деректерді енгізу.

Бөлімшеде психологтар, әлеуметтік жұмыскерлер, әйелдердің және ерлер кабинетінің және дәрігерге дейінгі кабинеттің мейіргері

Адамдар үшін маңызды!
Көмек қажет жандардың,
Жандарынан табылды.

Қоршаған өзін ортаға
Мейірім нұрын төгеді
Алақанымен аялы,
Жәрдем берер жандарға!

Тұрғындарға әлеуметтік көмек көрсету, өмір сүру сапалығын жақсарту және мүмкіндігі шектеулі тұлғалардың қоғамдық өмірде, басқа да азаматтармен, тең жағдайда қарым-қатынас жасауларына жағдай туғызу.

Әлеуметтік көмек көрсетуге жататын топтар:

• Жағдайы нашар отбасылар;
• Аз қамтылған отбасы;
• Көп балалы және толық емес отбасы;
• 70 жастан асқан қарт адамдар;
• Психикасы бұзылған емделушілер;
• Созылмалы аурулары бар науқастар;
• Жас аналар;
• Девианттық мінез-құлықтағы тұлғалар;
• Зорлық-зомбылық көрген тұлғалар;
• Мүмкіндігі шектеулі тұлғалар (мүгедектер);
• Маргиналдық топтағы тұлғалар  

2015 жылы мамандармен 5239 адамға арнайы әлеуметтік көмек көрсетілді. 4382 адамға үйде көмек көрсетілді.

Профилактика және әлеуметтік-психологиялық көмек бөлімшесі мамандарының белсенділік танытуларымен, Халықаралық балаларды қорғау күніне арналған шаралар ұйымдастырылып өткізілді, шараға ҚарМУ-дың философия және психология факультетінің студенттері қатыстырылды.

Аталған шараға даму мүмкіндігі шектеулі 15 бала қатыстырылды. Балалар үшін өлеңдер айтылып, билер биленді, сондай-ақ жаттығулар жасалды, жұмбақтар шешілді, суреттер салынып, басқа да ойындар ойналды.

Емханада төмендегідей денсаулық мектептері қызмет етеді:

• Артериалдық гипертония мектебі
• «Ұзақ өмір» мектебі
• «Темекіге қарсымыз» мектебі
• «Астма» мектебі
• «Жүктілер» мектебі
• Дені сау бала мектебі
• «Отбасылық тәрбие» мектебі

Денсаулық мектептерінде тұрғындарға көптеген бағытта оқулар жүргізіледі, атап айтсақ: салауатты өмір салтын сақтаудың дағдылары қалыптастырылады, аурудың алдын алу бойынша насихаттау жұмыстары жүргізіледі, емделушілердің аурулардың даму қаупі бар факторларын жеңіп шығуға және ол бағыттағы мақсаттылы қабылеттерге дағдыландырады және әр адамның өздерінің денсаулықтарына немесе ауруларына тікелей қатысты барлық ақпаратты білулеріне, сондай-ақ өз өмірлері мен өздерінің қоршаған ортасын өз қолдарымен өзгертуге деген құлшыныстарын бойларына дарыту.

Артериалдық гипертония мектебі

Артериалдық гипертония мектебінің шеңберінде СӨС дәрігерімен және психологтарымен ай сайын «Артериалдық гипертония дегеніміз не? (АГ)», «АГ кезінде дұрыс тамақтану», «АГ кезінде денені белсенді ұстау», «Семіздік», «Күйзеліс», «Дәрі-дәрмекпен емделу» т.б. тақырыптарда сабақтар өткізіледі.                                                                                                                            Сабақтар емделушілердің күндізгі стационарда емделудері кезінде жүргізіледі. Тыңдаушылар теориялық білімнен басқа, аурудың алдын алу, физикалық және психологиялық жағдайын жақсарту бойынша тәжірибелік кеңестер мен ұсыныстар алады.2015 жылдың ағымында 12 түрлі сабақтар өткізілді, сабақтарға 132 адам қатыстырылды.

«Ұзақ өмір»

2015 жылда «Ұзақ өмір» мектебінде түрлі тақырыптар аясында, 24 сабақ түрлері өткізілді. Тамақты үйлестіріп қабылдау, күн тәртібін ұтымды пайдалану тақырыбында сабақтар өткізілді, жас ерекшелігіне қарай, психологиялық, эмоциялық жағдайларын жақсартуға арналған жаттығулар жөнінде, физикалық жүктемені шақтау турасында, сондай-ақ өзінің құрдастарымен қарым-қатынас жасаудың дағдыларына  көптеген ұсыныстар берілді.Сабақтар айдың бірініш жұмасында өткізіліп отырылды, қатысқан адамдардың саны 166 адамға жетті.Жеңіс күнінің құрметіне соғыс ардагерлері мен тыл жұмыскерлерінің қатысуларымен, шаралар ұйымдастырылып, шараға жастары 80-нен асқан, 25 қариялар қатысты. Мерекеде әндер шырқалып, билер биленді, артынан қонақтар шайға шақырылды, басшылықтың атынан қарияларға естелік сыйлықтар берілді.

«Темекіге қарсымыз» мектебі

«Темекіге қарсымыз» мектебі «Темекіні тастаймыз» атты ұранмен, 3 жылы бойы жұмыс атқарып келеді.Динамикалық және эмпириялық байқаулар жүргізудің барысында көбінесе никотинге тәуелсіз жандар 14 жастан 70 жасқа дейінгі адамдар екені белгілі болды. Сондықтан да мектептің жұмысы түрлі жастағы адамдарға арналған, сондай-ақ бұл аталмыш мектептер «Ұзақ өмір» мектебінде және емхананың қызмет көрсетілетін аумағындағы оқу орындарында жүргізіледі.Біздің мектепке темекіден бас тартуды жөн деп санаған кез келген адамның келуіне болады. Жұмыстар жеке түрде және топпен жүргізіледі. Темекі шегудің алдын алуға емхананың ЖТД дәрігерлері де жұмылдырылады, олар қатерлі топтағы емделушілерді аталмыш мектептің сабақтарына жібереді.Мектеп жұмыстары тек емхананың аясында өткізілмейді, сонымен қатар құқық қорғау органдарымен бірігіп өткізіледі. Осыған орай, мектеп мүшелерінің Михайлов полиция бөлімінің қызметкерлерімен бірігіп,  қоғамдық орында темекі шегу бойынша орын алған оқиғаны әшекерелегендерін айтуға болады.Осы жылдың қарашасында «Никотинді дәруменге ауыстыр» атты акция өткізілді. Акцияға қатысқандардың саны – 83 адам.

«Астма» мектебі

«Астма» мектебінің сабақтарында адамның өзінің денсаулығына, жеке өміріне, психологиялық мәртебесіне қатысты жаңаша ойлар тұжырымдалады.Адамдардың арасында басынан өткерген аурудың кеселінен, қайғы-қасірет  тартып, тіпті өз-өзіне қол салушылық (суицидтік) жағдайына әкелетін жайттар да болады.Емделушілердің бронхиалдық астма, аллергия сияқты аурулардың салдарынан қалыптасқан қорқыныш-үрейлік сезімдерін, жағымсыз әсерлері мен беймазалық, қобалжушылық сезімдерін жеңуге септігін тигізетін жеке немесе топпен өткізілетін сабақтар жүргізіледі.Аталмыш мектепке жиі қатысатын емделушілердің нервтік-психикалық қобалжуларының азайғанын, отбасында, жұмыста адамдармен өзара қарым-қатынастарының жақсарғанын байқауға болады.2015 жылда «Астма» мектебінің 12 сабағына 87 адам қатыстырылды.

«Жүктілер» мектебі

«Жүктілер» мектебін емхананың психологы мен акушері жүргізеді. 2015 жыл ағымында мектепке 526 жүкті аналар қатысты.«Жүктілер» мектебінің мақсаты мен міндетіПсихолог болашақ аналарға перенаталдық кезеңде ана болуға деген  дағдыларын қалыптастыруға көмектеседі, жеке басының психогигиеналық ережелерін меңгеруге шақырады. Онымен қоса, тууға деген қорқыныш, қобалжу сезімдерінен арылуға мүмкіндік береді және тууға серіктес болушыға туатын әйелге қалай көмектесу керек екені жөнінде кеңестер береді.     Мектептің жұмыстарының қорытындыларын тыңдаушылардың төмендегідей көрсеткіштерінен көруге болады: 2013 ж. — 145 адам, 2014 ж-161 адам, 2015 ж. — 238 адам.Болашақ аналардың сөздеріне қарағанда, қауіпсіз босануға дайындық мектебінің сабақтарының арқасында олар өз-өздеріне сенімді, босану уақытында дем алудың, серіктеспен босануда өзара әрекеттер жасаудың шарттарын меңгерген.

«Отбасылық тәрбие» мектебі

«Жанұялық тәрбие» мектебі 2014 жылдан бастап жұмыс жасап келеді.2015 жылда 12 сабақ өткізіліп, 100 адам қатысты.Мектептің мамандарының алдына қойған міндеттері: баланы тәрбиелеудегі ана мен әкенің рөлін қалыптастыру және оны түсіну, отбасыны шоғырландыру әдістері, адамгершілік пен ізгілік құндылықтары отбасылық қарым-қатынастардың негізі деген ұғымды қалыптастыру.

Емханада Жастар мен балалардың репродуктивтік денсаулығының орталығы жұмыс жасайды.

Жастар мен балалардың репродуктивтік денсаулығының орталығы жас жеткіншектердің жастық ерекшеліктерімен шарттасқан, денсаулықтарын сақтауға кешенді медициналық және әлеуметтік-психологиялық көмек көрсетіледі.

Орталықтың мамандары жас жеткіншектерге салауатты өмір салтын қалыптастыруға үйретеді және медициналық, психо-әлеуметтік көмек көрсетеді. Сонымен қатар емханаға бекітілген мектептерде аурудың алдын алу мен тұлғалар арасындағы қарым-қатынастарды нығайту үшін тренингтер өткізіледі. ЖБРД орталығында психолог пен гинеколог қабылдау жүргізеді.

2015 жыл ішінде ЖБРД орталығына 1213 адам көмекке жүгінді, тренингке 864 жастар қатыстырылды.

Сіздің де мектепте тегін оқып, кеңес алуға мүмкіндігіңіз бар. Мектептердің жұмыс кестелерін 41-70-64 телефоны арқылы білуге болады.